नवकवी …..

नवकवी …..

दुर्मिळ तुझा केशसंभार असा,

लोंबल्या पायापर्यंत जटा,

सौंदर्याची ही ओळख खरी,

सांगतो मी नवकवी जरी ,

त्यात गालावर तीळ तुझ्या ,

ठेवी दूर वाईट नजरेला,

निसर्गानीच घेतली ही काळजी,

नजर कोणाची न लागो तुला

!!!!!!!!!गरुडाचं पोर!!!!!!!!!!

!!!!!!!!!गरुडाचं पोर!!!!!!!!!!

गुनी मोठं, थोर व्हतं,
लेकरु त्या, 'आईचं'......!,
अंगी बळ, अन पाठबळ,
महादेवाच्या, 'पायचं..........!

गरुडाचं पोर ते,
गरुडंच व्हनार ते,
रयतेचं भलं ज्यात,
तेच करणार ते,
भवानीचा अभय त्यासी,
कुना नाही भ्ययचं......,
गुनी मोठं, थोर व्हतं,
लेकरु त्या, 'आईचं'......!,
अंगी बळ, अन पाठबळ,
महादेवाच्या, 'पायचं..........!

सह्याद्रीचा वाघ व्हता,
गनीमासी धाक व्हता,
निश्चयाचा मेरु त्याचा,
गुरु रामदास व्हता,
संगे अभंगाचा गोडवा,
अन भजन तुका-रामचं......,
गुनी मोठं, थोर व्हतं,
लेकरु त्या, 'आईचं'......!,
अंगी बळ, अन पाठबळ,
महादेवाच्या, 'पायचं..........!


रयतेस लळा त्याचा,
रयतेत जिव त्याचा,
मावल्याची साथ डंका,
वाजविला स्वराज्याचा,
युक्तीने अन शक्तिने,
पुढे चित्त्यापरी जायचं......,
गुनी मोठं, थोर व्हतं,
लेकरु त्या, 'आईचं'......!,
अंगी बळ, अन पाठबळ,
महादेवाच्या, 'पायचं..........!

लोहगडची सफर

लोहगडला जाउ जाउ अस करत करत बरेच रविवार नुसतेच येत आणि जात होते.
प्रत्येक वेळी प्रत्येकाची वेगळी कारण. होय नाही करत शेवटी मी आणि राजा दोघच जायच फिक्स केल.
तर आता नमनालाच जास्त तेल न घालता घ्या फोटू.

हा जाताना पायवाटेवरुन काढलेला फोटु.

हा जाताना दिसणारा विसापुर. अवाढव्य आहे हा किल्ला.

हा दिसतोय लोहगड. हा त्याचा डावीकडचा भाग. बुलंद किल्ला आहे एकदम.

हा उजवीकडचा भाग. त्यातील सगळ्यात उजवीकडचा गोल बुरुज म्हणजे विंचु काटा.

लोहगडाच्या पायथ्यापासुन दिसणारा विसापुर

गडाच्या दरवाजाच्या बाजुला असलेली गणेश मुर्ती.

बुलंद लोहगड

हाच तो ढासळलेला बुरुज.

मस्त आहे ना बांधणी त्या ढासळलेल्या बुरुजाचे काहि दगड दिसत आहेत पायर्‍यांवर.

मुख्य दरवाजातील नक्षी

पसरलेला विसापुर. लोहगडावरुन.

गडावरुन दिसणार धरणाच (बहुद्धा पवना धरण) बॅकवॉटर.

विंचुकाटा

विंचुकाट्यावरुन लोहगड असा दिसतो

सोळा कोनी तलाव. (नाना तलाव)

हल्ली गडावर बरच पब्लिक वाढलय. त्यामुळे कचरा देखील.
चार वर्षे झाली त्यावेळी अख्ख्या गडावर फक्त आम्ही ५ मित्र आणि एका शाळेतुन दोन मास्तरानी आणलेले २०-२५ मुल एवढीच लोक होतो.
कचरा दिसलाच नाही त्यावेळी.
त्यावेळी माकड जास्त दिसली होती. आता माकडं तुरळकच दिसली पण आधुनिक माकडं एफ एम लावुन फिरताना गडावर जास्त दिसलीत. बहुतेक लोणावळ्याकडुन गडाकडे येणारा रस्ता बराच सुस्थितीत आलेला असावा. त्याशिवाय एवढी गर्दी शक्यच नाही. असो.
लोहगडाचा पुर्ण सिंहगड व्हायच्या आधी एकदा तरी जावुन या. सुख आहे त्यात.
जास्त दमछाक करणारा गड नाही हा.